瑞士蜜月遊 – 第六日策馬特(Zermatt)

全部照片- http://www.flickr.com/photos/wilsontnet/sets/72157623874096423/

相信每個鐘意雪山既朋友, 都一定會比策馬特既壯麗既雪山吸引住. 基本上係策馬特既每個角落, 你都可以睇到4478 米高既馬特洪峰(Matterhorn), 係咪覺得好熟口面呢？　佢咪就係三角朱克力個logo勒

策馬特絕對係戶外活動既聖地，健行，登山，雪車，滑雪，跳降傘，直升機。接近係乜都有得你玩！　最怕你無時間同腳骨力，係我地將會係度留一整日，感受一下呢個雪山既懷抱! 我地食過早餐後第一站就去就上左火車站旁既登山火車站上Gornergrat (3130ｍ)，　原本諗住上Sunnegga 同埋 Rothorn，　點知又係因為十月係淡季所以唔開，有心黎策馬特既朋友要注意勒！呢轉登山火車就貴喇！就算有swiss pass 都要成30 chf 一個人, 上Gornergrat 途中會係Riffelberg 同Rotenboden 停車, 你喜歡的話可以中途停車, 影相影飽後最坐下一架車上山, 如果你好似我咁有成一日既時間的話, 就建議你一口氣上到Gornergrat 之後慢慢行山行返落去Riffelberg 之後再落返市內, 呢到既風景真係靚到唔識影容, 留返比你地自己睇相啦!

上車, 出發喇!

中間站Riffelberg

Gornergrat車站

呢兩張狗好似好出名, 係D名信片都會見度佢地細個個樣

個鐘既形狀係D 登山火車用既路軌

準備落山 (行山路徑指示牌既顏色係有意思既, 如圖中紅白間表示中/上級難道, 要有防水衣物同行山鞋先好行呀! 如果成塊黃色即係低難道路線, 一家大細都岩行)

上到山頂有個商場仔你可以買手信同食下野咁, 上到觀景台影過相後我地就行返落行勒

三千幾米, 唔係好高姐

腳架與山

係馬特洪峰算, 人係幾咁渺小

利菲爾湖, 見到佢真係好開心, 好怕影得佢唔靚!

而我地行左一個半小時到, 去到Rotenboden 後就等Air Taxi (滑翔傘) 上黎帶我地飛落山, 事源係我地琴晚係酒店打電話比佢, 佢話要睇下今日風向如何先決定飛唔飛, 之後我地去到Rotenboden 個火車站, 入面又無電話亭wor, 好在最後小賣店個人幫我地問左車站站長借電話打, 一打之後原來佢地帶緊兩個客上黎飛落山, 之後我地就跟住佢地睇佢地起飛勒!
呢位女仕佢話行左5粒鐘行, 行到隻腳捌下捌下, 佢話I will never talk like this again! 所以佢選擇坐air taxi 落山