Day 1 & 2

全部照片請到 http://www.flickr.com/photos/wilsontnet/sets/72157623983094304/

香港->蘇黎士機場->聖加侖->梅 恩菲爾德->克爾

本日行程就係長途飛機, 我地先由香港坐下午16:00 機星航架用黎演野既A380 去星加坡, 之後由19:40 硬等左四粒鐘到 0110先上架B777-300ER 去蘇黎士 (Zurich).

之後就係十幾個鐘既長 途飛機…

a380 望落去就好肥 美既減覺, 但入到去入面除左多排位同有兩層之外就同其他客機無乜分別喇  

家下飛機上部linux 有個lan 頭, 唔知用黎做乜既呢?

好在星加坡 機場有網上, 可惜個wireless 用唔到 (回程時先知你要開你個手提電話, 佢會send 個sms 話你知點拎個password), 我又無帶lan 線 搞到要死死地氣用70HKD 買左條可能係世界上最貴既lan 線黎上網.

話咁快就到左蘇黎士機場, 基本上先進同方便情度同香港機場無乜分別, 路 牌指示清晰. 入境後第一時間去左火連站activate 左張swiss pass 先, 之後係間麪包鋪買左個無餡包, dry 到不得了但果度d 人 似乎好鐘意食.   

聖加侖火車站

我地第一站就坐火車去左聖加侖, 呢度係個遊客區, 地方唔大,主 要係行下街shopping 下同睇教堂. 我地係火車站用左8chf 黎 租locker 放低兩件大行李就開始週圍行喇  

行行下見肚餓, 我地就買左兩個 腸包餐 (腸仔+面包) (6CHF EACH) , 本 每想買一個餐留返個肚試下幾他野點知個靚女醒得濟見我地兩個人就比左兩個一模一樣既餐我地…

唔知個露台有乜咁勁, 我地見度人地鴨仔團圍埋佢度我地又去八卦下.

呢個紅色車真係型, 頭頂仲有舊唔知乜野, 係瑞士到處都可以見度呢類藝術品  

跟住我地入左去呢間相信係市內最大既教堂, 入面靜到連快門聲都會覺得好大聲! 入面有位職員仲問我識唔識英文, 原來佢叫我行入面條樓梯上高D 可以影 多D 野, 初頭仲以為我地嘈得濟趕我地走tim 

係聖加侖留左兩 個鐘左右之後我地就出發去搵海迪(飄鈴燕).

梅恩菲爾德

由聖加侖 去Maienfeld 梅恩菲爾德大約要1.5 小時, 梅 恩菲爾德其實係一個非常小既村落, 火車站無Locker 唔在講,連 售票處都無. 我地一人一個gip 都唔知點行, 又見落住雨所以都係 火車站四處行下就算.

細小的車站

騎警?

比較近火車站既景點係海迪商店, 心諗就算 去唔成d 景點(去搵海迪既景點有兩條路, 一條1.5hr, 一條4.5hr), 去買小小記念品都好, 點知去到發現原來海迪都係5天工作…. 

霧中的梅恩菲爾德

等車時無野做就影下相

失望而回既我地又拖住兩個gip 落返火車站, 去全瑞士最古老既城市chur 克 爾出發, 由Maienfeld去chur 大約要1hr, 到 達後第一時間搵酒店, 由於唔識坐巴士所以只好又拖住個gip 行左10 分 鐘到左我地第一晚住既酒店 Hotel Chur, 係我地問多兩問之下佢地仲upgrade去套 房tim(大d 同多一個廁所). 至於要上網就問地下個 reception 拎個password, 不過房入面上唔到, 要落lobby 先 用得就比較無咁方便 http://www.hotelchur.ch/

Chur 克爾火車站

Chur 克爾

Check in 後我地出去行街街同搵地方醫肚, 果度d 商 店通常17:30 就關門, 有心行街就早小小出門口喇, 夜晚淨係得d pub 同餐廳開門, 無得shopping, 超市就係收18:30 or19:30 ga ja, 呢方便大家要留意喇  

本來我地去本旅行書 既推介餐廳, 點知搵左好耐發現full booking 左, 之後 就求其去左一間, 不過menu 無英文, 有個待應就每一樣野都用英 文講返係乜黎,  不過係佢講完之後我都唔記得左有d 乜食喇. 

最後點 左一個通粉, 一個set din , 要注意係瑞士餐廳叫水飲等於比支有氣水黎, 又難飲(飲唔慣又貴), 呢餐消費約63CHF, 食 完飯後慢慢行返酒店就完成旅程既第一天  

全部照片請到 http://www.fotop.net/wilsont/Day0102